13.12.2025 у ДУА «Сеўрукоўская базавая школа Баранавіцкага раёна» для непаўналетніх прайшло выхаваўчае мерапрыемства на актуальную тэму: «Тролінг і кібербулінг: Не проста словы, а парушэнне закона».
У фармаце актыўнага дыялогу і аналізу сітуацый вучні вучыліся адрозніваць анлайн-правакацыі ад мэтанакіраванага цкавання. Асаблівы акцэнт быў зроблены на прававых наступствах: дзеці даведаліся, што абразы, паклёп і пераслед у сетцы могуць падпадаць пад артыкулы Кодэкса аб адміністрацыйных правапарушэннях і нават Крымінальнага кодэкса Рэспублікі Беларусь.