ШАГ (Школа Актыўнага Грамадзяніна)

21.03.2019 чарговы раз у Сеўрукоўскай дзіцячы сад-базавай школе Баранавіцкага раёна прайшоў адзіны дзень інфарміравання для навучэнцаў VIIІ – ІХ класаў па тэме “Канстытуцыя – Асноўны закон Рэспублікі Беларусь” (да 25-годдзя Канстытуцыі Рэспублікі Беларусь).

Ініцыятыўная група з ліку навучэнцаў VIIІ класа загадзя падрыхтавала выступленні і з дапамогай мультымедыйнай прэзентацыі пазнаёміла прысутных са зместам інфармацыйнага блока “25-годдзе Рэспублікі Беларусь”.

Асноўная тэма абмеркавання - «Я – грамадзянін Рэспублікі Беларусь» (да 25-годдзя Канстытуцыі Рэспублікі Беларусь: аб правах і абавязках грамадзян Рэспублікі Беларусь).

Падчас абмеркавання інфармацыі дапамогу школьнікам аказала настаўніца гісторыі Хіневіч М.Р. Навучэнцы звярнулі ўвагу на асноўны закон дзяржавы, абавязкі грамадзянін Рэспублікі Беларусь, успомнілі аб сваім удзеле ў конкурсе фотаздымкаў-матыватараў “Я – грамадзянін Рэспублікі Беларусь”, у грамадзянска-патрыятычнай акцыі “Мы – грамадзяне Рэспублікі Беларусь” падчас атрымання пашпарта і падарункавай кнігі “Я – грамадзянін Рэспублікі Беларусь”, паразважалі над пытаннем, што значыць стаць дастойным грамадзянінам сваёй краіны.

Тэма размовы аказалася актуальнай і важнай.