ШАГ (Школа Актыўнага Грамадзяніна)
8 красавіка ў ДУА “НПК Сеўрукоўская дзіцячы сад-базавая школа” прайшоў адзіны дзень інфармавання для вучняў 8 – 9 класаў у рамках праекта “Школа Актыўнага Грамадзяніна” на тэму: “Духоўныя і маральныя якасці: дыялог пакаленняў”.
Тэма інфармацыйнай гадзіны актуальная для сучаснай моладзі, так як захаванне і беражлівыя адносіны да духоўна-маральных, нацыянальных і культурных каштоўнасцей роднага краю спрыяюць выхаванню патрыятычных пачуццяў, любові да Радзімы.
Напрыканцы сустрэчы ўвага навучэнцаў была звернута на тое, што, перш чым здзейсніць які-небудзь учынак, патрэбна паставіць перад сабой пытанне: ці добрая гэта справа? ці сумленна я паступаю? ці па-чалавечы гэта?