11 красавіка ва ўсім свеце адзначаецца Міжнародны дзень вызвалення вязняў фашысцкіх канцлагераў.

З гэтай нагоды ў Сеўрукоўскай базавай школе прайшоў Урок мужнасці “Перад тварам смерці”. У мерапрыемстве прыняла ўдзел памочнік пракурора горада Баранавічы Пятрэнка Лізавета Ігараўна. Яна адзначыла, што знойдзены новыя месцы масавых захаванняў мірных жыхароў, якія шмат гадоў заставаліся ў забыцці. Актыўна вядуцца раскопкі, ускрываюцца новыя факты аб злачынствах фашыстаў супраць беларускага народа. Збіраецца інфармацыя і доказная база ў адносінах неўстаноўленых асоб з ліку нацыстаў і іх памагатых, якія пазбеглі адказнасці за здзекі і катаванні ў канцлагерах, забойства мірных жыхароў, смерць, масавы ўгон у нямецкае рабства.