37 гадоў прайшло з таго страшнага дня, калі адбылася чарнобыльская катастрофа. З гэтай нагоды 21 красавіка ў рамках дэкады грамадзянска-патрыятычных спраў “Чарнобыль. Захоўваючы памяць…” у Сеўрукоўскай базавай школе прайшла адзіная інфармацыйная гадзіна “Наш боль – Чарнобыль”.
Падчас мерапрыемства прысутным нагадалі аб трагічных падзеях на ЧАЭС. Вучні прачыталі вершы, прысвечаныя героям-ліквідатарам аварыі, ушанавалі памяць загінуўшых хвілінай маўчання. Да ўвагі навучэнцаў быў прапанаваны дакументальны фільм “Час памятае Чарнобыль”.
Падводзячы вынікі мерапрыемства, прысутныя прыйшлі да высновы, што на сучасным этапе ўсе разам і кожны паасобку адказвае за тое, што адбываецца на Зямлі. Мы павінны захаваць скарбы прыроды для нашчадкаў.