Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Архив новостей

28.11.2019

ШАГ (Школа Актыўнага Грамадзяніна)

ШАГ (Школа Актыўнага Грамадзяніна)

28.11.2019 у Сеўрукоўскай дзіцячы сад-базавай школе Баранавіцкага раёна прайшоў адзіны дзень інфармавання для навучэнцаў VIIІ– ІХ класаў па тэме «Незалежная і квітнеючая Беларусь. Мы зрабілі гэта разам».

З мэтай фарміравання ў непаўналетніх вобраза Радзімы і гонару за дасягненні роднай краіны навучэнцы былі азнаёмлены з асноўнымі дасягненнямі суверэннай Беларусі, якія адбыліся на працягу 30 гадоў.

9.08.2012 на пляцоўцы будаўніцтва першай у нашай краіне атамнай электрастанцыі пад вёскай Астравец Гродзенскай вобласці прайшла цырымонія закладкі Прэзідэнтам капсулы з пасланнем будучым пакаленням.

Таксама да ўвагі прысутных быў прапанаваны відэаролік пра беларускую гідраэлектрастанцыю, якая таксама знаходзіцца на тэрыторыі Гродзенскай вобласці і з’яўляецца ўзорам бяспекі краіны.

Спорт – яшчэ адна сфера нашага гонару. 75 нашых грамадзян сталі алімпійскімі чэмпіёнамі, у краіне функцыянуе больш за 26 тысяч аб’ектаў фізкультурна-спартыўнага прызначэння. Самым знакавым з іх можна назваць культурна-спартыўны комплекс “Мінск-Арэна”, які з’яўляецца адным з самых мультыфункцыянальных збудаванняў у Еўропе. У гэтым маглі пераканацца навучэнцы пры праглядзе відэароліка аб Мінск-Арэне.

Візітнай карткай краіны называюць новы будынак Мінскага чыгуначнага вакзала. Сучасны вакзал станцыі Мінск – Пасажырскі адпавядае ўсім еўрапейскім стандартам. У гэтым дапамог упэўніцца відэаролік аб Мінскім чыгуначным вакзале.

Яшчэ адно дасягненне – Нацыянальны акадэмічны Вялікі тэатр оперы і балета, які з’яўляецца адной з буйнейшых тэатральных пляцовак Еўропы і архітэктурным сімвалам беларускай сталіцы.

Не прайшоў па-за ўвагай і Беларускі парк высокіх тэхналогій – асобая эканамічная зона ў Беларусі для развіцця ІТ-бізнеса.

Была звернута ўвага навучэнцаў і на адзіны ў Рэспубліцы Беларусь цэнтр – Рэспубліканскі навукова-практычны цэнтр “Маці і дзіця”, які спецыялізуецца на праблемах рэпрадуктыўнага здароўя.

З мэтай аблягчэння абмеркавання пытанняў педагогамі створаны так называемы “Тлумачальны слоўнік”, які змясціў у сабе паняцці і тэрміны, што сустрэліся падчас дыялогу, з якімі навучэнцы сустрэліся ўпершыню .

Напрыканцы сустрэчы школьнікі паспрабавалі назваць, па іх меркаванні, сацыяльна значымыя аб’екты ў горадзе Баранавічы і Баранавіцкім раёне, на тэрыторыі Жамчужненскага сельскага выканаўчага камітэта.

Для прысутных інфармацыя аказалася карыснай і цікавай.

Жанна Зеляняк,

намеснік дырэктара па вучэбна-выхаваўчай рабоце

Сеўрукоўскай дзіцячы сад-базавай школы


 

Разделы сайта