ШАГ (Школа Актыўнага Грамадзяніна)

21.05.2020 у Сеўрукоўскай дзіцячы сад-базавай школе Баранавіцкага раёна прайшоў адзіны дзень інфармавання для навучэнцаў VIIІ – ІХ класаў па тэме «Будучае Радзімы будаваць маладым».

З мэтай фарміравання ў навучэнцаў грамадзянскай актыўнасці, самастойнасці, паспяховай сацыялізацыі і самарэалізацыі ў фокусе абмеркавання знаходзіліся пытанні дзяржаўнай маладзёжнай палітыкі, маладзёжнага руху, дзіцячых і маладзёжных арганізацый у Рэспубліцы Беларусь, грамадзянскай адказнасці.

Навучэнцы ўспомнілі, якія праграмы і з якой мэтай рэалізуюцца ў Рэспубліцы Беларусь, абмеркавалі ўдзел моладзі ў акцыях, праектах і мерапрыемствах грамадзянска-патрыятычнай накіраванасці.

Не засталася ўбаку ад гэтага напрамку і ўстанова адукацыі. Прыемна асэнсоўваць, што ў бягучым навучальным годзе за ўдзел у акцыі “Я гэты край Радзімаю заву” вучаніца VІ класа Мазур Таццяна адзначана дыпломамі І ступені на раённым і абласным этапах, дыпломам ІІ ступені – на рэспубліканскім узроўні.

Паразважалі навучэнцы і аб ролі Інтэрнэта ў жыцці сучаснай моладзі, а таксама неабходнасці фарміравання здаровага ладу жыцця ў сваім асяроддзі.

Неаднаразова звярталася ўвага прысутных на падтрымку таленавітай і адоранай моладзі Прэзідэнтам Рэспублікі Беларусь.

У нашай дзяржаве забяспечваецца занятасць моладзі. Навучэнцы азнаёмлены з артыкуламі Працоўнага кодэкса Рэспублікі Беларусь у дадзеным напрамку.

Падчас сустрэчы адзначалася роля міжнароднага супрацоўніцтва Рэспублікі Беларусь у сферы маладзёжнай палітыкі.

Усе навучэнцы ўстановы адукацыі з’яўляюцца членамі таго ці іншага дзіцячага грамадскага аб’яднання, таму ўвага прысутных была звернута на ролю вучнёўскага самакіравання.

Для прысутных інфармацыя аказалася пазнавальнай і цікавай.

Жанна Зеляняк,

намеснік дырэктара па вучэбна-выхаваўчай рабоце