Першы школьны званок
01.09.2021 ва ўстанове адукацыі прайшла ўрачыстая лінейка, прымеркаваная да Дня ведаў.
Яшчэ не паспелі засумаваць па дзіцячым садзе, а ўжо апранулі школьныя касцюмы першакласнікі. Для іх першы ў жыцці школьны званок, святочная лінейка, школьны ўрок і перапынак. Тым не менш, у першы клас яны ідуць з сур’ёзнай падрыхтоўкай і рашучымі намерамі, зусім як дарослыя.
На адной дінейцы разам з першакласнікамі выпускнікі. У іх наперадзе – год сур’ёзнай падрыхтоўкі да экзаменаў – расслабіцца не атрымаецца. А сёння пад гукі званка яны перадаюць ключ ад краіны ведаў новаму пакаленню.
З пачаткам новага навучальнага года дзяцей павіншавалі не толькі педагогі і бацькі, але і метадыст аддзела па адукацыі Баранавіцкага райвыканкама Палевікова М.А., дырэктар філіяла “Цяплівады” птушкафабрыкі “Дружба” Велько В.П.