27 студзеня адзначаецца Міжнародны дзень памяці ахвяр Халакосту. З гэтай нагоды ў Сеўрукоўскай базавай школе прайшла прэзентацыя інфармацыйна-прапагандысцкага праекта “Нам жыць і памятаць…”, які прысвечаны трагедыі яўрэйскага народа ў Баранавіцкім рэгіёне ў гады Вялікай Айчыннай вайны.

Мазур Таццяна, Сяўрук Ганна, Вашкевіч Артур, удзельнікі творчай групы, расказалі вучням аб працы над праектам і пазнаёмілі з яго зместам. Да ўвагі прысутных былі прапанаваны відэаролік “Халакост. Трагедыя яўрэйскага народа на Баранавіцкай зямлі”, інтэрактыўная карта з нанесенымі помнікамі ахвярам Халакосту, аўдыягід, электронная кніга памяці “Халакост. Трагедыя яўрэеў Баранавіцкай зямлі”. З мэтай сістэматызацыі атрыманых ведаў вучні прынялі ўдзел у вэб-квэсце “Нам жыць і памятаць...”