4 мая вучні Сеўрукоўскай базавай школы прынялі ўдзел у “Зорным паходзе”, прысвечаным 78-ай гадавіне Перамогі ў Вялікай Айчыннай вайне.

Падчас мерапрыемства навучэнцы наведалі брацкую магілу савецкіх воінаў № 415 у аг. Сталовічы, вёску Застарынне, якая 2 мая 1943 года паўтарыла лёс Хатыні, Калдычэўскі лагер смерці: былое памяшканне турмы канцлагера, брацкую магілу № 4752, урочышча Пагарэлец, месца масавага знішчэння № 4756.

На кожным прыпынку пахода праходзілі мітынгі, ушанаванне памяці загінуўшых хвілінай маўчання, ускладаліся кветкі да помнікаў партызан, ахвярам фашызму.